Ni: Reggee Bonoan
NAKITA naming nanood si Diego Loyzaga ng last full show ng Kita Kita sa Robinson’s Magnolia Cinema 4 na may kasamang babae na hindi pamilyar sa amin.
Hindi namin napansin nu’ng una ang reel and real love team ni Sofia Andres na nakasuot ng black hoodie, black denim at black baseball cap dahil halos nakatago na ang mukha ng aktor.
Magna cum laude graduate na pinagsuot ng toga ang ama, kinaantigan
Pero nu’ng marami na ang nagpapa-picture sa binata na nakangiti naman niyang pinagbigyan lahat, saka lang namin siya napansin.
Nakita naming bumili ng dalawang ticket si Diego kaya nag-expect kami na si Sofia ang kasama niya, pero hindi namin namataan ang dalaga kaya sinusundan namin ng tingin ang aktor na paparoo’t paparito dahil may binibili sa hilera ng snack bars sa katabi ng mga sinehan.
Nang magpasukan na ang mga tao sa cinema 4, kitang-kita naming inabot ni Diego ang ticket sa isang babae na matagal na palang nakaupo sa hilerang inuupuan din namin at pinauna niyang pumasok.
Bumili muna ng bottled water si Diego at saka siya mag-isang pumasok.
Hanggang sa umalis na kami ay hindi namin nakita si Sofia, Bossing DMB. Hmmm, baka naman may taping ng Pusong Ligaw kaya hindi siya naka-join sa panonood ng sine ng boyfriend niya. O baka naman naligaw ang puso ni Diego, pero hindi naman sana.
Bukod kay Diego, nakita rin naming nanood ng Kita Kita nu’ng Martes ng gabi sina Thou Reyes, JK Labajo, Ryle Santiago, at ilang starlet na hindi namin knows ang pangalan.
