NAUNGUSAN ng Philippine Junior Blu Girls ang Italy, 10-3, ngunit nabokya sa duwelo kontra Taiwan, 0-14, para sa 1-1 karta sa pagsisimula ng WBSC Junior Women’s Softball World Championship nitong Martes sa Clearwater, Florida.

Sanib-puwersa sina Reese Guevarra, Mary Maguad, Czara Galapon at Royevel Palma sa ratsada ng Cebuana Lhuillier-backed Philippine Team para mangibabaw sa karibal na Italian.

Ngunit, nabigo silang masustinihan ang mainit na hataw nang masopresa sa Taiwanese sa ikalawang laro.

Target ng Pinay clouters na makabangon laban sa Guatemala. Nakahanay din sa kanilang kampanya ang Turkey, South Africa at US sa Pool A.

Romualdez, pinasalamatan tennis player na si Alex Eala

Batay sa regulasyon, ang dalawang mangungunang koponan matapos ang elimination round ang maglalaban sa championship.

“The Junior Blu Girls’ win against Italy is a great way to ease into the tournament. They have been consistently displaying exceptional skills and performance these past months so I know they will deliver more impressive showing in the next matches,” sambit ni Amateur Softball Association of the Philippines president Jean Henri Lhuillier.