NI: Orly L. Barcala
Person of interest ngayon ang isang lalaki na sinasabing kaibigan ng lalaking binaril at pinatay ng hindi pa nakikilalang suspek sa Malabon City, kamakalawa ng hatinggabi.
Nalagutan ng hininga habang ginagamot sa ospital si Ricky Bagasala, 26, ng Phase 6, Paradise Village, Barangay Letre ng nasabing lungsod, dahil sa tama ng caliber 38 sa kanang bahagi ng ulo.
Pinaghahanap naman ng pulisya ang isang alyas Kenneth.
50.78% examinees, pasado sa Nov. 2024 Licensure Exam for Agriculturists
Base sa report, naglalaro ng pool sina Kenneth at Ricky sa kanilang lugar, dakong 11:30 ng gabi.
Umayaw na umano sa paglalaro ang biktima at umalis at makalipas ang ilang sandali, nagmamadaling ibinalita ni Kenneth kay Joshua Carlos, kaibigan din ni Ricky, na patay na ang kanilang kaibigan at binaril ng armado.
Matapos nito ay hindi na nakita sa kanilang lugar si Kenneth.
