Ni: PNA
HABANG patuloy na lumalaganap sa mundo ang paggamit ng fidget spinner, mainam na isiping ang nasabing usong gadget ay malayo sa unang aparato na nilikha ng tao upang panatilihing abala ang mga kamay.
Lumaganap ang paggamit ng fidget spinner sa buong daigdig ngayong 2017.
Ngunit habang pinupuri ng ilan ang sinasabing katangian nito bilang panglunas, sinabi ng isang pastor mula sa Paraguay na gawain umano ito ni Satanas. Sinasabing malayo ito sa unang tinawag na “fidget toy” na gawa ng tao.
Marupok ang demokrasya—ngunit nasa mamamayan ang tunay na lakas nito
Bagamat sikat na sikat ngayon ang fidget spinner, hindi ito maikukumpara sa naging katanyagan ng maalamat na Rubik’s Cube. Bagaman hindi ito eksaktong isang fidget toy, ang 3D combination puzzle na naimbento noong 1974, ang itinuturing na pinakamabentang laruan sa mundo.
Kalaunan, inimbento ni Erno Rubik, ang imbentor ng Rubiks Cube, ang isa pang laruan na popular, ang Rubik’s Snake – isang set ng triyanggulong laruan na konektado sa gilid na naigagalaw at naiiikot sa iba’t ibang paraan upang makabuo ng maraming hugis.
Ang baoding ball, kilala rin bilang Chinese health ball o Chinese meditation ball, ay higit na mas matandang imbensyon na nalikha noong panahon ng dinastiyang Ming. Ito’y isang pares ng metallic ball na kayang paikutin sa palad, na sinasabing nakatutulong upang pahusayin ang mga daliri at nagagawang mapawi ang stress.
Nilikha noong 2016, ang fidget cube ay isang maliit na laruang pangkamay na mayroong sensory tools sa lahat ng anim na side na nakatutulong sa tao upang may magawa ang kanyang kamay at ang proseso umano ay nakaaalis ng stress.
Kumpara sa mga naunang naimbento, ang Russian toy na kilala bilang ‘kapitoshka’ ay isang simpleng laruan lamang. Isa itong maliit na hollow latex ball, kadalasang may lamang almirol o pulbos na tisa, na puwedeng pisilin at laruin.
Hindi na nakakagulat na ang underworld ay may mga sariling anti-stress na laruan. Halimbawa, ang mga kriminal na Russian ay madalas na pinaglalaruan ang boltukhas—isang uri ng homemade worry beads na nagsisilbing pantanggal ng stress at isinisimbolo ang prebilehiyo sa loob ng kulungan.
