PH swimmers, kumubra pa ng apat na ginto sa ASEAN Games-Balita

SINGAPORE -- Hindi maawat ang Pinoy swimmers sa 9th ASEAN Schools Games dito.

Muling sinandigan ng Filipino tankers ang kampanya ng Team Philippines sa nakopong apat na gintong medalya sa ikatlong araw ng kompetisyon sa Singapore Sports School swimming pool.

Sinundan ng Pinoy ang matikas na ratsada sa pool sa opening day nitong Sabado kung saan komolekta sila ng dalawang ginto, sa kahanga-hangang ratsada para maiangat ang kabig sa anim na ginto sa taunang torneo para sa mga estudyanteng atleta.

Muli, nanguna sa birada sina Maurice Sacho Ilustre at Filipino-British Bhay Maitland Newberry.

Nakopo ng 17-anyos na si Ilustre, pambato ng De La Salle Zobel sa Muntinlupa City, ang boys 100 meters freestyle 100m butterfly.

Nailista ni Ilustre, secondary division’s most valuable player (MVP) sa 2017 Palarong Pambansa, ang tyempong 55.97 segundo para gapiin sina Singaporean Rhys Jun Kai NG (56.36) at Indonesian Damanik Alexander (56.41).

Sinundan niya ito ng panalo sa boys 200m freestyle event sa tyempong 1:53.21 kontra kina Ahmad Fathoni Erick ng Indonesia (1:56.13) at Tsien Ee Tan (1:56.29) ng Malaysia.

“Sobrang saya po talaga. Iba talaga ang feeling kapag pinapatugtug ang ating national anthem during victory ceremony,” pahayag ni Ilustre.

Iginiit niya na malaking tulong sa kanyang naging tagumpay sa pool ang walang pahingang pagsuporta ng kanyang ama na si Bong.

Kabilang si Iluster sa grupo ng mga batang atleta na sinanay sa US sa pangangasiwa ng Philippine Sports Commission (PSC) at Philippine Sports Institute (PSI).

“Thankful po ako kay Philippine Swimming Inc. secretary-general Lani Velasco and PSC-PSI for the opportunity to train abroad,” sambit ni Ilustre.

Hindi rin nagpadaig si Newberry na humakot ng ikalawang ginto sa girls 100m backstroke event.

Sa kanyang unang sabak sa ASEAN tilt, hataw si Newberry, 14, sa tyempong 1:05.42 kontra kina Indonesian tankers Novita Lestari Dewi (1:06.67) at Kemala Fathihia Sofie (1:07.02).

“It feels good especially that I get to inspire other athletes to train hard,” aniya.

Nakamit naman ni Jerard Dominic Jacinto ang ikaapat na ginto sa produktibong kampanya ng Pinoy nang pagwagihan ang boys 100m backstroke sa tyempong 59.60 segundo kontra kina Setyawan Daniel ng Indonesia at Sridilok Passakorn ng Thailand.

Sa Bishan Stadium, nakamit ni Sylvian Faith C. Abunda ang silver medal sa girls javelin throw sa layong 45.34 meters.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...