UNITED NATIONS (AFP) – Pinaigting ni US Ambassador Nikki Haley nitong Lunes ang pressure sa gobyerno ng Myanmar para tanggapin ang UN fact-finding mission na inatasang imbestigahan ang mga pang-aabuso sa mga karapatan ng mga Rohingya Muslim.
Sinabi ng mga opisyal ng Yangon nitong nakaraang linggo na hindi nila bibigyan ng visa ang three-person team na inatasan ng UN Human Rights Council na mag-imbestiga sa mga diumano’y pang-aabuso ng security forces sa estado ng Rakhine.
“The international community cannot overlook what is happening in Burma – we must stand together and call on the government to fully cooperate with this fact-finding mission,” saad sa pahayag ni Haley.
Ibinasura ni Myanmar de facto leader at Nobel prize winning democracy activist Aung San Suu Kyi ang UN fact-finding mission, sa katwirang nagsasagawa na ng sariling imbestigasyon ang gobyerno.
Mahigit 40 unggoy, nakatakas sa isang research compound sa South Carolina
Mahigit 90,000 Rohingya na ang lumikas simula nang ilunsad ng militar ang madugong pagtugis laban sa mga umatake sa isang police post noong Oktubre 2016, ayon sa UN.
