ni Mary Ann Santiago
Namatay na ang itinuturing na pinakamatandang hippopotamus sa mundo sa edad na 65.
Ayon kay Manila Parks and Recreations Bureau Director James Albert Dichaves, si “Bertha” ay natagpuang patay ng mga manggagawa sa Manila Zoo sa Malate, Manila.
Isinailalim sa autopsy ang katawan ng hayop at walang nakitang anumang sakit, kaya’t ikinukonsiderang namatay ito sa sobrang katandaan.
Maris, namundok matapos maeskandalo kay Anthony
Ipinagmalaki ni Dichaves na nalagpasan ni Bertha ng 14 taon ang karaniwang haba ng buhay ng isang hippo na 40-50 anyos lamang. Inilibing si Bertha sa bakanteng lote sa loob ng zoo. Gayunman, binabalak na ipreserba ang kanyang bungo kaya’t posible itong hukaying muli.
Hulyo 25, 1959 nang simulang alagaan si Bertha sa Manila Zoo, kasabay ng pagbubukas ng naturang pasyalan sa publiko, kaya’t itinuturing siyang ‘pioneer’ o unang hayop sa zoo.
