Ni: Beth Camia
Nanganganib na makulong at makasuhan ng paglabag sa child pornography at anti-voyeurism laws ang mga miyembro ng bawat Facebook (FB) page na sangkot sa pagpapakalat ng malalaswang larawan.
Ayon kay National Bureau of Investigation (NBI)-Cybercrime Chief Atty. Martini Cruz, ito ay babala laban sa FB page na “Pastor” at “Pastor Hokage Bible Study.”
Aniya, bukod sa nagpo-post ng maseselang larawan at video, wala rin itong pahintulot mula sa mga may-ari.
Eleksyon
Archdiocese of Manila, hindi mag-eendorso ng kandidato sa eleksyon
Nabatid din na naglalagay ng mahahalay na komento ang mga miyembro nito at gumagamit pa ng mga salita sa Bibliya gaya ng “Amen,” na nangangahulugan ng pagsang-ayon sa post.
Dahil dito, nanawagan ang NBI sa mga nabiktima ng mga nasabing FB page na maghain ng reklamo.
