Ni REGGEE BONOAN
KUWENTO ng common friend namin ng aktor na mahilig gumawa ng sariling isyu, nag-iisip na naman daw ito kung anong puwedeng pag-usapan tungkol sa kanya.
Bakit kailangang laging may isyu?
“Ano ba? Siyempre para hindi siya nawawala sa news. Doon kasi bina-base na sikat pa, pinag-uusapan sa social media, sa news, ganern. Para makuha ang attention ng advertisers o ng owners ng produkto para maging endorser. Ikaw naman, para kang bago nang bago sa showbiz. Negative or positive write-ups, publicity pa rin ‘yun,” sagot sa amin.
Sikat naman siya, sabi namin, hindi ba siya kuntento?
Andrea Del Rosario, nagbiro sa mga may pic kasama si Bato: 'Lahat kayo for questioning daw!'
“May mga project siya in the future at kailangan ng promo, so need ng isyu na totoo naman, hindi kuwentong kutsero,” katwiran sa amin.
Napa-ngek na lang kami, dahil katwiran ito na hindi namin binibili.
Anyway, mukhang effective naman ang mga gimik ng aktor dahil kapag may isyu ay napag-uusapan talaga siya at in fairness, hindi nga halatang planado o gimik. ‘Yun nga lang, alam siyempre ng mga taong malapit sa kanya na gimikero siya, ha-ha-ha. Hayan, alam ko na rin, kalurky!
Kaya kapag may bagong isyu na namang pag-uusapan sa aktor, tatanungin namin ang common friend namin kung iyon na ang naisip nitong panibagong gimik.
