Sanhi ng sunog sa London tower inaalam pa-Balita

Sanhi ng sunog sa London tower inaalam pa

Ni: Argyll Cyrus B. Geducos at Roy C. Mabasa

LONDON (AP) — Hindi pa lubusang humuhupa ang usok sa nasunog na Grenfell Tower sa West London, ngunit humihiling na ang mga residente at mga lider ng komunidad ng kasagutan kung bakit napakabilis ng pagkatupok ng high-rise apartment.

Sa huling tala, 12 bangkay na ang natagpuan, 74 ang sugatan sa mga ospital, at hindi pa mabilang ang nawawala.

Sumiklab ang sunog dakong 1:00 ng madaling araw nitong Miyerkules.

Matindi ang galit ng mamamayan dahil ilang buwan pa lamang ang nakararaan ay nagbabala ang mga aktibista na napakahina ng fire safety procedures sa gusali. Hindi pa rin matukoy ng mga bombero at pulis kung ano ang talagang nangyari.

Patuloy ang imbestigasyon, at tumanggi ang mga awtoridad na magbigay ng espekulasyon sa kung ano ang pinagmulan ng sunog. Ngunit nakatuon ngayon ang imbestigasyon sa renovations noong nakaraang taon na nagdagdag ng dekorasyon sa gusali.

Ang 24-story public housing complex ay pag-aari ng local government council sa distrito ng Kensington at Chelsea at itinayo noong 1970s.

Samantala, kinumpirma ng Malacañang kahapon na mayroong mga Pilipino na nasugatan sa nasabing sunog.

Sinabi ni Presidential Spokesperson Ernesto Abella, binanggit ang mga ulat mula sa Department of Foreign Affairs (DFA), na inaalam pa nila ang eksaktong bilang mga Pinoy na nasugatan sa sunog.

“The Department of Foreign Affairs, through the Philippine Embassy in London, confirmed that some Filipinos are among those injured by the fire in Grenfell Tower,” ani Abella. “The Embassy’s closely monitoring the situation and is ready to provide assistance to all Filipino fire victims.”

Tiniyak ni DFA Spokesperson Robespierre Bolivar na magbibigay sila ng update sa mga naapektuhang Pinoy. “No exact numbers yet especially since London authorities have yet to release updated information,” mensahe sa text ni Bolivar.

Ayon kay Consul General Senen Mangalile, mayroong 5,000 Pinoy sa Royal Borough ng Kensington kung saan matatagpuan ang Grenfell Tower.

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...