Nilinaw kahapon ni Land Transportation Franchising and Regulatory Board (LTFRB) Board Member at spokesperson Aileen Lizada na hindi magpapatupad ng jeepney phase-out sa mga hari ng kalsada na 15 taon pataas.
“LTFRB has not issued and will not issue a circular (phasing out jeepneys). What we have are circulars phasing out buses, taxis, UVs, and school buses. Jeepney is the only PUV allowed to extend franchises even after its expiration.
You have one year to renew. That’s how lenient the government is with jeepneys because we understand,” sabi ni Lizada.
Inihayag din niya kahapon na lalagdaan sa Hunyo 19 ng transport officials ang guidelines na magbibigay-linaw sa mga ruta ng public utility vehicles (PUVs), kaugnay ng plano ng pamahalaan na maisaayos sa public transport system ng bansa.
Isa sa drug cases ni De Lima, muling pinabuksan ng SolGen sa Court of Appeals
Aniya, pipirmahan ni Transportation Secretary Arthur Tugade ang Omnibus Franchising Guidelines (OFG) na binubuo ng mga patakaran na ipatutupad sa PUV operators.
Kasabay nito, nilinaw ng pamunuan ng Land Transportation Office (LTO) Law Enforcement Service na wala pang opisyal na direktiba para hulihin ang mga tinted na sasakyan sa bansa. (Vanne Elaine P. Terrazola at Jun Fabon)
