Nakasiguro ng semifinals slot ang Philippine Under-15 girls national team makaraang magtala ng dalawang sunod na panalo sa 2017 ASEAN Football Federation (AFF) Under-15 Girls Championship sa Vientiane, Laos..
Unang tinalo ng mga kabataang Pinay ang koponan ng Indonesia, sa iskor na 2-0, sa pamumuno nina Viviana Cera at Katelyn Alexander, na uniskor ng tig-isang goal sa ika-22 at ika-33 minute, ayon sa pagkakasunod.
Sumunod naman nilang tinalo ang Cambodia sa iskor na 3-0.
Muling naka -goal si Alexander sa 14th minute, na sinundan ni Maria Lazo sa 40th minute bago ang huling goal ng laro mula kay Anya Lazo sa 66th mark.
‘Hindi na raw tungkol sa basketball;’ Coaching staff ng La Salle, UP, nagkaduruan!
Dahil dito, nangunguna sa kasalukuyan ang Pilipinas na may 6 na puntos sa Group B at nakatakda nilang harapin ang Singapore habang isinasara ang pahinang ito kahapon sa pagtatapos ng Group Stage.
Nakatakda namang simulan ang semifinal round sa darating na Miyerkules, Mayo 17. (Marivic Awitan)
