Inatasan ang National Bureau of Investigation (NBI) na simulan ngayong taon ang pag-iimbestiga sa alinmang insidente ng extrajudicial killings (EJKs) na may kaugnayan sa kampanya ng gobyerno laban sa droga.
Kinumpirma ni Justice Undersecretary Erickson Balmes na mismong si Justice Secretary Vitaliano Aguirre II ang nagbigay ng direktiba sa NBI.
Ipinakita ni Balmes ang Department Order (DO) No. 120 na ipinalabas ni Aguirre noong Pebrero 20 na inaatasan ang “authority to conduct investigation of reported killings allegedly related to the campaign against illegal drugs.”
Sa DO, direktang inutusan ni Aguirre ang NBI “[to] conduct a thorough investigation of reported killings related to the campaign against illegal drugs except those cases covered by Administrative Order No. 35 dated November 12, 2012 and Administrative Order No. 01 dated October 11, 2016.”
#WalangPasok: Class suspensions ngayong Biyernes, Sept. 20
Inatasan din ni Aguirre ang NBI “to submit a periodic inventory with status report of all cases related to the foregoing.”
Ipinaalala rin ng kalihim na ang kanyang direktiba ay para sa “strict compliance.” (Jeffrey G. Damicog)
