PAWANG galing sa mahaba-habang bakasyon, ipagpapatuloy ng San Miguel Beer, Talk ‘N Text, Globalport at Phoenix ang kani-kanilang kampanya sa muling pagsabak sa 2017 PBA Commissioners Cup ngayon sa Smart-Araneta Coliseum.
Mauunang magtutuos sa unang laro ng double header ang Batang Pier at Fuel Masters ganap na 4:15 ng hapon na susundan ng sagupaan ng Beermen at Katropa ganap na 7:00 ng gabi.
Tatangkain ng Beermen na mapanatiling malinis ang marka sa pagpuntiya ng ika-anim na sunod na panalo habang magtatangka naman ang Katropa na makapagsolo sa ika-apat na puwesto kung saan kasalukuyan nilang kasalo ang Star Hotshots sa parehong 5-2 karta.
Carlos Yulo, Aira Villegas at Nesthy Petecio, natanggap na house and lot incentives!
Umaasa ang Beermen na mapapanatili ang magandang performance na bunga ng kanilang magandang samahan.
“Kaya kami nangunguna ngayon dahil sa aming chemistryat sana magtuluy-tuloy ito at malagpasan namin anumang hamon ang dumating”, ayon kay Beermen forward Arwind Santos.
Mauuna rito, kapwa magtatangka ang Globalport (2-5) at Phoenix (3-4) na palakasin ang tsansang umabot sa susunod na round. (Marivic Awitan)
