NAGTALA ng panalo ang Bearcats Caloocan kontra Goto Pilipinas ,66-59 nitong nakaraang weekend na sinundan naman kinabukasan ng pagkabigo nito laban sa Cocolife sa papatapos nang elimination round ng Brotherhood Basketball League “WCA Travel Cup” sa Trinity University of Asia sa Quezon City.
Pinangunahan ang Bearcats, sigurado na sa quarterfinals, ni Jethro Sombrero.
Muling namayani si Tolits Natividad para sa Cocolife upang sorpresahin ang nangungunang Bearcats,112-87 sa Passion Division ng torneong inorganisa ni BBL chairman Erick Kirong ng Macway Travel at inihandog ng World Cruisers Adventures Travel and Tours na pinamumunuan ni Engr.Joven Diaz.
Dinemolis naman ng National Housing Authority ang K-Jeds ,88-81.
Hidilyn Diaz, Sonny Angara, nagpulong; weightlifting raratsada na sa Palarong Pambansa?
Samantala, larga na ang lahat para sa pag-arangkada ng Maharlika Cup Basketball Tournament ng BBL at ito ay nakatakda sa huling bahagi ng buwang kasalukuyan.
