CAMP MACABULOS, Tarlac City - Dahil sa matinding pagseselos ng isang lalaki sa kanyang misis, na umano’y tumatanggap ng love notes sa cell phone nito, ay nagpasya siyang tarakan ng 12-pulgadang icepick ang ginang sa Barangay Balete, Tarlac City, Martes ng hapon.
Hindi pa matiyak ang lagay sa Tarlac Provincial Hospital ng 43-anyos na misis ni Aristotle Mejia, 45, kapwa taga-Bgy. Balete, dahil sa haba ng icepick na bumaon sa likod ng una.
Sa inisyal na imbestigasyon ni SPO1 Andres Campo, nagtalo ang mag-asawa sa love notes na nabasa ng suspek sa cell phone ng ginang na ipinadala ng umano’y manliligaw nito.
Nakatakas at tinutugis ngayon ang suspek. (Leandro Alborote)
Probinsya
