BARCELONA, Spain (AP) — Sementado na ang monumento ni Rafael Nadal bilang ‘King of Clay’.

10-10! Pinasalamatan ni Rafael Nadal ng Spain ang mga tagahanga sa awarding ceremony matapos makopo ang ika-10 Barcelona Open title sa impresibong 6-4, 6-1 panalo kontra Dominic Thiem ng Austria nitong Linggo (Lunes sa Manila). (AP)
10-10! Pinasalamatan ni Rafael Nadal ng Spain ang mga tagahanga sa awarding ceremony matapos makopo ang ika-10 Barcelona Open title sa impresibong 6-4, 6-1 panalo kontra Dominic Thiem ng Austria nitong Linggo (Lunes sa Manila). (AP)
Magaan na ginapi ng Spaniard supertsar si Dominic Thiem, 6-4, 6-1 nitong Linggo (Lunes sa Manila) sa clay court para sa ika-10 Barcelona Open title.

Ito ang ikalawang sunod na torneo sa clay court na kinolekta ni Nadal ang ika-10 tropeo. Nauna niyang nadomina ang Monte Carlo Masters.

“It means a lot to me to win 10 titles here in Barcelona as well,” pahayag ni Nadal. “To win in Barcelona and Monte Carlo gives me a dream start to the clay season.”

Goodbye PBA? John Amores, tinanggalan na ng professional license!

Goodbye PBA? John Amores, tinanggalan na ng professional license!

Sa kabuuan, nakamit ni Nadal ang ika-71 career win. Sa nakalipas na tatlong finals, nabigo ang world No.5, kabilang ang Australian Open kay Roger Federer.

Sa Hunyo, tatangkain niyang makamit ng ika-10 titulo sa French Open. Ang huli sa 14 na Grand Slams niya ay naganap sa Roland Garros tatlong taon na ang nakalilipas.

Binasag ni Nadal ang service play ng ninth-ranked Austrian sa unang set at sa kaagahan ng ikalawang set tungo sa panalo at sa ika-51 career sa clay court.

“It was vital for me to win the first set. It was difficult. I had a few more chances than him, but it was very even,” aniya.

Naitala ng 30-anyos na si Nadal ang ika-10 sunod na panalo at 21-1 sa nakalipas na 22 set.

Target ni Thiem, nasilat si top-ranked Andy Murray sa semifinals, ang ikalawang sunod na titulo. Nagwagi siya sa Rio de Janeiro nitong Pebrero.

Umusad si Nadal sa 53-3 sa ATP World Tour 500 event.