Patay ang table manager ng Small Town Lottery (STL) makaraang barilin habang nagpapalinis ng kotse sa car wash sa Barangay Lourdes sa Jaro, Iloilo.
Kinilala ni PO2 Saturnino dela Cruz, ng Jaro Police, ang biktimang si Bernardo Tampani, ng Bgy. Gaub, Cabatuan, Iloilo City, na sinasabing miyembro ng Zerrudo Group na nagpapatakbo ng STL sa lungsod.
Nabatid sa imbestigasyon na nakaupo sa car wash shop si Tampani nang pagbabarilin ng hindi nakilalang suspek na nakasuot ng helmet at sakay sa motorsiklo.
Blangko pa rin ang pulisya sa motibo sa pagpatay kay Tampani, na nagtamo ng 18 tama ng bala sa katawan. (Fer Taboy)
Probinsya
