ILANG linggo na lang palang mapapanood ang Encantadia? Sumuko na ba sila sa FPJ’s Ang Probinsyano na tatakbo pa hanggang 2018? Hindi na kinayang tapatan pa ng fantaserye ng GMA 7 ang aksiyon-serye ni Coco Martin?
Katwiran sa amin ng kaibigan namin sa GMA-7, “Gustung-gusto nang lumipad ni Mulawin, ha-ha-ha.” Ito kasi ang ipapalit sa Encantadia. Si Dennis Trillo ang pinakabida sa Mulawin.
Lumaban naman daw sa ratings game ang fantaserye ng Siyete sa aksiyon-serye dahil umabot naman ng 44 weeks o 11 months.
Ang Pasko sa loob ng selda at mga munting hiling sa likod ng rehas
“Neck-to-neck naman sila ng Probinsyano sa ratings,” saad sa amin.
Ang alam namin ay malayo ang lamang ng Ang Probinsyano sa Encantadia at naniniwala kaming mas pinapanood ng tao si Cardo Dalisay dahil bukambibig ng lahat kapag umeere na ito dahil nagagalit sila kina Joaquin Tuazon (Arjo Atayde), Don Ramon Syquia (Eddie Gardia) at iba pang bagong pasok sa programa.
Hmmm, maging kasing taas kaya ng ratings ng FPJ’s Ang Probinsyano ang maging lipad ng Mulawin?
Abangan natin ang banggaang Coco Martin at Dennis Trillo sa primetime. (Reggee Bonoan)
