NAKINIG ang production team ng Mulawin vs. Ravena sa suggestion na palitan ang costume ni Heart Evangelista dahil nang ipinakilala ang buong cast na suot ang kani-kanyang costume kasabay ng storycon, bukod tanging siya ang nakaranas ng pamimintas.
Mukha raw kasing nakalampin sa kanyang costume si Heart lalo’t kulay puti pa ang telang ginamit.
Pero sa pictorial, iba na ang costume ni Heart. ‘Yun nga lang, hindi pa rin siya nakaiwas sa pintas ng iba.
Netizens naka-relate, napahugot sa 'Hindi na marami ang tubig ng instant noodles'
Sabi ng mga nabasa naming reaction, hindi na mukhang lampin ang costume niya, para namang girdle. May nakalawit pa rin kasing tela sa harapan ng costume ng aktres.
Bakit daw hindi na lang gayahin ang dating costume ni Angel Locsin nang gumanap as original na Alwina at baguhin na lang ng konti kung ayaw ng production na makumpara ang costume ng dalawa.
Pero mukhang wala nang time na baguhin pa ang costume ni Heart dahil magpa-pilot na ang Mulawin vs. Ravena sa Mayo 22.
O, kung babaguhin man, habang tumakbo na lang ang fantaserye para hindi maapektuhan ang taping. (Nitz Miralles)
