CABANATUAN CITY – Patuloy na tinutugis ng mga awtoridad ang tatlong drug suspect na nakatakas sa Nueva Ecija Provincial Jail sa Barangay Caalibangbangan sa Cabanatuan City, Nueva Ecija, nitong Abril 8.
Ayon kay Provincial Administrator Alejandro Abesamis, nagsasagawa ng manhunt operation ang pulisya para dakping muli ang mga pumuga, habang nakapagtataka namang wala sa official police blotter ang insidente.
Kinilala ang mga pumuga na sina Paterno Pagaduan, ng Talavera; isang Padawan, ng Malolos City, Bulacan; at Celso Ortiz Luis, ng Cabiao, na pawang akusado sa drug peddling at hindi pinayagang magpiyansa.
Nakikiusap ang mga awtoridad sa mga pamilya ng tatlong pugante na isuko ang kanilang mga kaanak o makipagtulungan sa pulisya. (Light A. Nolasco)
Probinsya
