BATANGAS CITY, Batangas - Inaresto ng mga operatiba ng Batangas City Police ang isang 27-anyos na babae matapos umano nitong tangkaing suhulan ang isang pulis para palayain ang live-in partner nito.
Arestado si Riznielyn Vergara, taga-Barangay Sta. Clara, Batangas City.
Ayon sa report ng Batangas Police Provincial Office (BPPO), dakong 4:15 ng hapon nitong Martes nang tinangkang suhulan ni Vergara si PO1 Benjamin Dalisay sa loob ng Intelligence Section Office ng BPPO.
Sinusuhulan umano ng suspek ng P70,000 si PO1 Dalisay para palayain ang live-in partner niyang si Edison Dalisay, na inaresto dahil sa ilegal na droga. (Lyka Manalo)
Probinsya
