AYON sa aming spy sa ABS-CBN camp, may napili na raw ang Star Cinema kung sino ang gaganap bilang Darna na opisyal nang tinanggihang gawin ni Angel Locsin.
Pero ayon sa source, hindi pa raw napapanahon na ihayag ang pangalan ng masuwerteng aktres na gaganap sa coveted role.
May nagsasabi maging noon pa mang mapabalita na may health problems si Angel na si Liza Soberano na raw ang gaganap bilang next Darna pero hangga’t walang opisyal na deklarasyon mula mismo sa mga bossing ng Star Cinema ay hindi pa rin makapagbunyi ang fans ni Liza.
Libreng kapon sa mga pusang 'Maris' at 'Anthony' ang pangalan, handog ng isang veterinarian
May tsika rin na nakarating sa amin na bagong Kapamilya actress daw ang gaganap sa nasabing papel, pero ayaw ding magbigay ng komento ang kausap namin tungkol dito.
May nakarating ding info sa amin na maaari raw magkaroon ng special participation si Rep. Vilma Santos-Recto sa pagbabalik ng Darna sa big screen pero ayon naman kay Ate Vi ay wala pa namang kumakausap sa kanya.
Dagdag pa ni Ate Vi, walang problema sa kanya ‘yun pero depende pa rin daw yun sa schedules niya.
Samantala, kahit may napili na ang Star Cinema para gumanap na Darna ay hindi pa rin naman daw mauumpisahan at mukhang matatagalan pa ang shooting dahil ginagawa pa ni Direk Erik Matti ang Buy Bust sa Viva Films.
May isa pang pelikulang nakabimbin na gagawin ni Direk Erik under Regal Films na pagbibidahan naman ni Jennylyn Mercado. (JIMI ESCALA)
