“HAPPY birthday ‘Gel! Amazing what 7 years of friendship has done to us! Excited to see what’s next,” ito ang makahulugang caption ni Neil Arce sa litratong ipinost sa Instagram bago nag-alas dos ng hatinggabi nitong nakaraang Sabado.

Sa picture na kuha sa kanila ni Angel Locsin, makikitang kumakain sila ng ice cream bars habang nakaupo outdoor at nakatingin sa malayo.

Kaarawan kasi ni Angel kahapon at inasalto siya ng Star Creatives team sa pangunguna nina Roxy Liquigan at Mico del Rosario sa Tipsy Pig Gastropub sa may Pasig. Naroon din ang mga kaibigan ni Angel na sina Dimples Romana at Bubbles Paraiso.

Ginang, na-swipe wrong sa dating app; na-scam ni 'Mr. Right' ng higit <b>₱</b>100K

Sa video na kuha ni Eric John Salut na ipinost din sa social media, mapapanood na binigyan ni Neil si Angel ng bouquet of flowers at magkatabi silang dalawa habang kinakantahan ng birthday song ang aktres sabay ihip ng kandilang nasa cake na hindi mamatay-matay ang sindi.

Kahapon ay binati namin si Angel at kaagad namang nagpasalamat at sabay sabing, “Nakuha ko na ulit phone ko, he, he.”

Naiwan pala ng dalaga ang kanyang cellphone nu’ng magpunta sila sa Hong Kong nitong nakaraang Semana Santa kasama ang mga kaibigan. Galing, ‘no, Bossing DMB, naibalik pa ang phone.

Anyway, tinanong namin kung ano ang estado nila ni Neil ngayon, pero hindi kami sinagot at hindi na namin kinulit pa si Angel dahil kusa naman siyang nagsi-share kung handa na siya.

Pero base sa mga litratong nakita naming magkasama sila sa mga lakaran at sa mga importanteng okasyon sa buhay at pamilya ni Angel, hindi malayong ‘baka sila na nga.’

Pero hihintayin pa rin namin ang opisyal na pahayag nina Neil at Angel, kailan kaya?