BEASTMODE ang AlDub Nation noong isang gabi nang mapanood ang ilang eksenang hindi nila gusto sa sinusubaybayang teleserye nina Alden Richards at Maine Mendoza.
Pero enjoy na enjoy naman sila sa mga eksenang sina Maine at Alden lang ang laging magkasama, tulad ng mga kulitan nang ma-stranded ang dalawa sa ilang na lugar dahil tumirik ang kanilang sasakyan. Sa istorya, bago pa man sila umalis ng Manila ay may mga kundisyon na si Sinag (Maine) kay Benjie (Alden) na bawal siyang tingnan, bawal kausapin, ngitian, at pansinin dahil galit pa rin siya sa pagsira nito sa pinagtiwalang ibinigay niya’t itinuring niya itong mabuting kaibigan.
Pero biglang umulan, kaya napilitan silang pumasok sa kotse. Tinanggap din ni Sinag ang towel na inialok ni Benjie sa kanya. Naghubad ng basang t-shirt si Benjie at habang ginagawa iyon, biniro niya si Sinag na, “Bawal kitang tingnan, ngitian, pansinin, pero sige, ito na ang last chance mo na makita akong hubad.”
Netizens naka-relate, napahugot sa 'Hindi na marami ang tubig ng instant noodles'
“Ang kapal ng mukha mo,” sagot ni Sinag, “akala mo may abs ka, ang laki ng tiyan mo, uy! Mag-diet ka nga!”
Pero lihim namang nakangiti sabay irap sa katawan ni Benjie ang dalaga.
Gumawa ng paraan si Benjie upang makumpuni ang kotse, pero ayaw talagang umandar. Kaya sabi niya kay Sinag, hawakan nito ang manibela at itutulak niya ang kotse.
“Hindi ako marunong magmaneho, ikaw na lang at ako ang magtutulak,” sabi ni Sinag. “Kayang-kaya ko ‘yan, marami na akong itinulak na mabibigat na bagay sa buhay ko, makararating tayo ng Maynila sa pagtutulak ko.”
“Ano ba ‘yan, hindi pa halos tayo gumagalaw, sabi mo marami ka nang itinulak na mabibigat na bagay sa buhay mo, bakit itong kotse, hindi mo maitulak?” sabi ni Benjie.
“Kung alam ko lang na magtutulak ako ng kotse, sana sinabi mo para nakapag-exercise muna ako, hindi tulad nito, bigla mo akong pagtutulakin ng kotse.”
Ending, wala ring nangyari. Kaya naghanap na si Benjie ng makatutulong sa kanila.
“Iiwan mo ako, Benjie? Hindi, huwag mo akong iwan, sasama ako,” sabi ni si Sinag sabay yakap kay Benjie.
Ito ang ilan sa mga eksenang binabalik-balikan ng fans na ginagawan pa nila ng slow motion sa kanilang Instagram accounts.
Pero may mga eksena na naman silang hindi nagustuhan, tulad nang nalaman na ni Trish (Thea Tolentino) na si Sinag at Sunshine ay iisa lang pala kaya nasaktan ito na niloko siya ng dalawa nang harap-harapan. Hayun, beastmode na naman ang Aldub Nation nang makitang hinila ni Trish ang buhok ni Sinag/Sunshine.
Para makalma ang fans nila ni Alden, agad nag-tweet si Alden ng: “Take it easy, guys, all is good. #breathe.”
Sunud-sunod na naman ang taping nina Alden at Maine at balitang may out-of-town shoot sila somewhere in the north, na ang mga eksenang kukuhanan ay sila lang uling dalawa ang magkasama.
