TUBA, Benguet – Isang college student ang namatay, habang sugatan ang driver at iba pang pasahero ng isang UV Express van matapos na mabagsakan ang sasakyan ng mga bato na dulot ng landslide sa Camp 1, Kennon Road sa Tuba, Benguet nitong Huwebes Santo.
Kinilala ang nasawi na si Izeiah Karl Jior Medalle, mechatronics engineering student sa Saint Louis University sa Baguio City.
Batay sa imbestigasyon, nanggaling sa Baguio City at patungong Dagupan City, Pangasinan ang UV Express van (AYP-304) na minamaneho ni Joseph Alis, dakong 4:30 ng hapon, ngunit habang tinatahak ang Kennon Road ay biglang nagka-landslide at gumuho ang malalaking bato sa unahang bahagi ng van.
Nabatid na 15 ang pasahero ng van nang mangyari ang aksidente at pito sa mga ito ang nasugatan, kabilang ang driver.
Ash falls dulot ng bulkang Kanlaon, naranasan sa ilang bahagi ng Negros Occidental
(Rizaldy Comanda)
