MAY bagong kagigiliwang basketball event – ang Red Bull Reign 3x3 basketball tournament – simula sa Mayo 13 sa Cebu City.
Iniimbitahan ng organizers ang mga kabataang Pinoy na makiisa sa programa na simultaneous na gaganapin sa 15 bansa sa mundo, Ang World Finals ay gaganapin sa Washington DC.
Batay sa regulasyon, bawat koponan ay binubuo ng apat na player na may edad 16-anyos pataas at may valid passport.
Gaganapin ang Cebu qualifier sa Sacred Heart de Ateneo sa Mayo 13, habang dalawang qualifying ang nakatakda sa Manila (Mayo 20 at 26 sa Buendia Food by the Court) sa Makati City.
'Pikon daw?' UAAP fan na nag-dirty finger, agaw-eksena sa San Juan Arena!
Ang huling qualifying ay sa Mayo 27 sa Nagtahan Bridge Court, Pasig River.
Bawat qualifier ay binubuo ng 16 koponan kung saan ang mangungunang dalawang player ay uusad sa Finals. Bukas sa publiko ang liga, ngunit may entry fee na P500 bawat koponan.
Maaari ring magpalista sa online registration: win.gs/redbullreignph at FB Event: win.gs/redbullreignphrsvp
