NAKOPO ng mga taga Maynila ang 3K, 5K at 10K Fun Run 2017 na bahagi ng anim na araw na Dinamulag Festival sa Iba, Zambales kamakailan.
Nanguna ang 23-anyos na si Mark Anthony Oximar ng Sta. Mesa, Maynila sa 3 kilometer run kasunod ang Manilenyo ring si Gilbert Rataquio, 21, at pumangatlo ang taga-Pangasinan na si Marcelino Goleng.
Sa 5 kilometer run, nagkampeon si Renante Torio, 23; pangalawa si Norberto Cangilao, 19; at pangatlo si Nico Cortez, 22, pawang taga-Maynila.
Nagwagi sa 10 kilometer run si Vince Grobaties, 18, ng Maynila; 2nd place si Kurt Jomao, 18, ng Las Pinas City; at pangatlo si Raymon Torio, 26, ng Lingayen, Pangasinan.
Binigyan ng special award ang pinakabatang lumahok sa 10K run na si Gilmore Sinanong, 7, ng Cabangan, Zambales.
Pacman, balik-bakbakan sa Abril para sa exhibition match!
Tumanggap ng cash prizes, tropeo at medalya ang mga nagwagi na kaloob ni Zambales 2ndDistrict Cong. Cheryl Deloso-Montalla. Ayon kay Zambales Gov. Amor Deloso, isinagawa rin ang tradisyonal na Laro ng Lahi na Huli Mo, Biik Mo, Palo Sebo, Pashyutan Ha Lubon at Archery. (Gilbert Espeña)
