Nasa pangangalaga na ngayon ng Pasay Social Welfare and Development (PSWD) ang isang Grade 8 student na nakumpiskahan ng ilang pakete ng “marijuana”, nitong Martes ng gabi.
Sa inisyal na ulat ni PO1 John Mark Cruz, ng Pasay City Police, dakong 10:30 ng gabi nagpapatrulya ang mga pulis sa I. Victor Street, kanto ng Pasille 3 St., nang mamataan nila ang 15-anyos na suspek na pakalat-kalat sa lansangan sa kabila ng umiiral na curfew hour at nakahubad baro.
Sinita ng mga pulis ang binatilyo na kapansin-kapansin umanong biglang nag-iba ang ikinilos kaya nagdesisyon ang awtoridad na kapkapan ito hanggang sa nakuha ang 13 pakete ng hinihinalang marijuana at drug paraphernalia.
(Bella Gamotea)
National
