Naaresto ang walong katao kabilang ang kapatid ng isang barangay chairman sa magkakahiwalay na drug operation sa Iloilo City kahapon.
Sinabi ng Iloilo City Police Office, (ICPO) na lima ang naaresto sa buy bust sa isang hotel at tatlong ang nadakip sa North Baluarte, Barangay Molo.
Nadakip sa hotel sina James Archide, George Bacuyani, Larenz Onohara, Mary Grace Galvez, at isang alyas Mark.
Palusot ng isa sa mga suspek, gumagamit siya ng shabu dahil sa kanyang sakit sa dibdib.
Ash falls dulot ng bulkang Kanlaon, naranasan sa ilang bahagi ng Negros Occidental
Tatlo naman ang nadakip kabilang ang kapatid ng Baluarte Barangay Chairman Allan Aurelio na si Alejandro Aurelio at ang dalawang niyang kasamahan na sina Jimboy Chavez, 30, at Darryl Didulo.
Ipinahuli ni Chairman Aurelio ang kanyang kapatid dahil matagal na raw nila itong pinagsasabihan ngunit matigas ang ulo at patuloy pa rin sa bisyo.
Hinimok niya ang kapatid na sumuko noon sa Oplan Tokhang ngunit matigas ang kanyang ulo. (Fer Taboy)
