TUWANG-TUWA ang Encantadiks sa ibinalita ni Marian Rivera na magbabalik sila ni Dingdong Dantes sa Ecantadia para tulungan ang mga anak nilang Sang’gre sa laban at pakikidigma kina Avria (Eula Valdez), Hagorn (John Arcilla) at iba pang mga kalaban.
Pero bago mag-taping ang dalawa at bago lumabas ang mga karakter nilang sina Reyna Mine-A at Raquim, mapapanood na ang karagdagan sa cast na sina Zoren Legaspi at Ian de Leon. Sa episode mamaya pa malalaman ang particular role ng dalawa, pero kung ibabatay sa make-up, parang kalaban si Ian at kakampi naman ng mga Sang’gre si Zoren.
May mga nag-react lang sa dagdag na karakter ng Encantadia at mga bumabalik na karakter. Bakit daw sina Kate Valdez (Mira) at Mikee Quintos(Lira), ayaw ibalik sa fantaserye nina Direk Mark Reyes at ng headwriter na si Suzette Doctolero? (Nitz Miralles)
