CABANATUAN CITY – Isang lalaki ang nasawi at isa pa ang nasugatan makaraan silang ratratin ng hindi nakilalang riding-in-tandem habang nag-iinuman sa panulukan ng Valino at Fajardo Streets, Barangay Aduas Sur sa Cabanatuan City, Nueva Ecija.
Kinilala ng pulisya ang nasawi na si Alejo Bauto y Soriano, 40, may asawa, habang nasugatan naman si Jowin Alcantara Macapagal, 57, may asawa, kapwa taga-Bgy. Aduas Centro.
Dakong 10:30 ng gabi nitong Marso 30 nang biglang sumulpot ang mga suspek habang nag-iinuman ang mga biktima at malapitang pinagbabaril si Bauto.
Inaalam pa ng pulisya ang motibo sa pamamaril. (Light A. Nolasco)
Probinsya
