TINAPOS ni Drake ang dalawang linggong paghahari ni Ed Sheeran sa Billboard 200 album chart nitong Lunes, nang bumenta ng nakakagulat na 505,000 kopya ang bago niyang album na More Life, ayon sa figures na inilabas ng Nielsen SoundScan.
Naagaw ng Canadian rapper, ang world’s best-selling artist of 2016, ang No. 1 spot, na nagtala ng bagong streaming record at iniuwi ang pinakamalaking sales week para sa alinmang album sa US simula nang ilabas niya ang kanyang Views noong nakaraang taon.
Sinabi ng Nielsen na 257,000 unit ang naibenta sa streaming, tinalbugan ang naunang record ni Drake na 163,000 streaming units para sa Views.
Chimpanzee, 7 buwan kinarga naaagnas na labi ng namatay na anak bago binitiwan
Tina-tally ng Billboard 200 album chart ang units mula sa album sales, song sales (10 songs equal one album) at streaming activity (1,500 streams equal one album).
Pinatalsik ng bagong release ni Drake ang Divide ng British singer-songwriter na si Sheeran na bumaba sa second place sa Billboard 200 sa naibentang 118,000 units.
Pumangatlo ang rapper na si Rick Ross sa kanyang bagong album na Rather You Than Me.
Gayunman, nananatili si Sheeran sa tuktok ng digital songs chart, na sinusukat ang online single sales, dahil sa Shape of You, na bumenta ng karagdagang 97,000 units sa 11th week nito sa chart. (REUTERS)
