MADAMDAMIN ang pagbati ni Sylvia Sanchez sa 25th birthday ng anak na si Ria Atayde.
Caption ni Ibyang sa ipinost na litrato ng anak, “Wish ko? Tama nang inuuna mo kahit na sinong mahal mo sa buhay para lang mapasaya mo, kahit ang kapalit no’n, e, ang sarili mong kaligayahan. Naging mabait kang anak, apo, pamangkin, pinsan at kaibigan, mabait kang bata.
“This time, isipin mo at unahin mo na ang sarili mo, isipin mo kaligayahan mo, tama na’ng kaka-please ng kahit na sino, ang importante kung ano ang gusto mo at kung ano ang ikakaganda ng future mo at higit sa lahat kung ano ang ikakaligaya mo, anak.
Babaeng gusto na magkaanak, nakipag-s*x sa iba dahil laging busy ang partner niya
“Ang importante dito, Ikaw, hindi kami, buhay mo ‘yan, kaligayahan mo ‘yan, kaya ikaw dapat masunod kung ano ang gusto mo hindi kami o hindi kahit na sino. Basta andito lang kami ng daddy mo, laging susuporta sa lahat ng hangarin mo sa buhay. Abutin mo lahat ng pangarap mo nang wala kang tatapakang kapwa mo at higit sa lahat samahan mo ng dasal.
Mahal na mahal ka namin, Potpot! Maligayang kaarawan sa ‘yo, anak. #daughter #mygreatestlove #myeverything #mylife#family #blessing #happiness #priceless #grateful#treasures #thankuLORD.”
Simple naman ang pagbati ni Arjo Atayde sa kapatid, pero tagos sa puso.
“Can’t live without you. Happy 25th! I love you.”
As in super-close kasi sina Arjo at Ria. Sa tagal na ng pagkakakilala namin sa kanila, hindi pa namin sila nakitang nag-away o nagkasagutan. Malambing sila sa isa’t isa na bihirang makita sa ibang magkapatid na kaedad nila kapag may sari-sarili nang gusto sa buhay.
Tama ang sinabi ni Ibyang, napaka-supportive ni Ria sa bawat miyembro ng pamilya nila at mga pinsan niya.
At kaya rin siguro nahihirapang magkaroon ng boyfriend ang isa sa mga bida ng My Dear Heart dahil bantay-sarado siya ng Kuya Arjo niya, na ang mahigpit na bilin, “Anybody but not in showbiz.”
Pilit pa rin naming tinatanong si Arjo kung bakit ayaw niyang magkaroon ng artistang boyfriend ang kapatid, at ang laging sagot sa amin, “Basta lang, tita. It’s personal po.”
Maging si Ria ay nagtataka rin, samantalang ang kuya naman niya ay nagkaroon ng girlfriend na taga-showbiz at ngayon ay artista rin ang idini-date.
At siyempre, hindi rin nagpahuli sa pagbati ang padre de pamilya ng mga Atayde na si Papa Art, na may litrato namang magkasama sina Dra. Margaret Divinagracia (Coney Reyes) at Dra. Guia Divinagracia (Ria), “Happy birthday to my eldest baby girl. Your time to shine! Love you.”
Masaya ang pamilya Atayde dahil unti-unti nang natutupad ni Ria ang pangarap niyang mapansin sa showbiz sa sarili niyang pagsisikap at hindi dahil nakakabit ang pangalan niya sa ina o sa kuya.
Pawang positibo kasi ang feedback sa acting ni Ria sa My Dear Heart lalo na kapag lagi niyang nakakasagutan si Dr. Francis Camillus (Eric Quizon) na boss niya at anak ng may-ari ng hospital na pinagtatrabahuhan niya. (REGGEE BONOAN)
