Habang tinitipa ang balitang ito ay nag-aagaw buhay ang isang lalaki matapos siyang tamaan ng ligaw na bala sa Malabon City, nitong Sabado ng gabi.
Isinugod sa Tondo Medical Center si Joel Bernales, 37, ng No. 35 E. Jacinto Street, Barangay Concepcion ng nasabing lungsod, sanhi ng mga tama ng bala ng baril sa tiyan at kaliwang braso.
Pinaghahanap naman ang mga itinuturong suspek na sina Samuel Bolado at Israel Dela Rama na kapwa umano siga sa kanilang lugar.
Base sa imbestigasyon, bandang 7:30 ng gabi ay nanonood ng telebisyon si Bernales sa kanilang bahay.
National
Ilang retiradong AFP at PNP officials, sumulat kay PBBM; inalmahan 2025 nat'l budget?
Maya-maya’y nakarinig siya ng sunud-sunod na putok ng baril kaya naman dumungaw siya sa kanilang terrace at dito na siya duguang bumulagta. (Orly L. Barcala)
