MANDAUE CITY, Cebu – Nasa P1.5-milyon halaga ng mga ari-arian ang naabo makaraang sumiklab ang sunog sa compound ng Department of Environment and Natural Resources (DENR)-Region 7 sa Barangay Banilad, Mandaue City, Cebu, kahapon ng madaling araw.
Ayon kay Mandaue City Fire Investigator, SFO2 Cipriano Codilla, Jr. natupok ng sunog ang dalawang two-storey building ng regional office sa Greenplains Subdivision, Bgy. Banilad, Mandaue City, bandang 3:00 ng umaga kahapon.
Sinabi ni SFO2 Codilla na nagsimula ang sunog sa gusali ng Integrated Coastal Resources Management Project (ICRMP) bandang 2:59 ng umaga at kumalat ang apoy sa mga kalapit na istruktura. Dakong 4:20 ng umaga nang naapula ang sunog.
Inaalam pa ang sanhi ng sunog. (Mars W. Mosqueda, Jr.)
