CALAPAN CITY, Oriental Mindoro – Dinakip ng mga pulis at mga tauhan ng Philippine Drug Enforcement Agency (PDEA) ang isang Amerikano na umano’y naaktuhang gumagamit ng pinatuyong dahon ng marijuana sa taunang Malasimbo music festival sa Barangay Balatero, Puerto Galera, nitong Sabado ng gabi.
Kinilala ni Senior Supt. Christopher C. Birung, director ng Oriental Mindoro Police Provincial Office, ang naaresto na si Charles Requina Maurice, 33, binata, ng Bgy. Kapitolyo, Pasig City.
Ayon kay Senior Supt. Birung, naaktuhan ang dayuhan na humihithit ng marijuana stick bandang 10:00 ng gabi kamakalawa sa Malasimbo festival sa maburol na bahagi ng Bgy. Balatero. (Jerry J. Alcayde)
Probinsya
