CALATAGAN, Batangas - Sugatan ang isang driver ng van matapos na barilin sa mukha ng hindi nakilalang suspek sa Calatagan, Batangas.
Nilalapatan pa sa ospital si Roberto Bayaborda, 47, taga-Barangay Lucsuhin, Calatagan.
Ayon sa report ni PO2 Samuel Riva, dakong 3:40 ng umaga at pasakay sa kanyang Kia Besta van (RBU-831) ang biktima nang lapitan ng suspek at barilin sa mukha sa Bgy. Gulod.
Tumakas ang suspek sakay sa motorsiklo, at inaalam pa ng pulisya ang motibo nito. (Lyka Manalo)
Probinsya
