PALAYAN CITY - Dalawang binatilyo ang nasawi at sugatan naman ang isa pang binatilyong kasama nila makaraang sumalpok sa dump truck ang sinasakyan nilang motorsiklo sa Nueva Ecija-Aurora Road sa Palayan City, Nueva Ecija.
Sa ulat ni Chief Insp. Arnel Santiago, hepe ng Palayan City Police, nakilala ang mga nasawi na sina Jeford Fernandez Blanker, 14; at Ivan Lacandula Alberto, 13; habang sugatan naman ang 14-anyos na lalaking kasama nila, pawang estudyante at residente sa Barangay Marcos Village sa Palayan City.
Nabatid sa imbestigasyon na dakong 3:00 ng hapon nitong Marso 3 nang mawalan ng preno ang motorsiklo hanggang sa sumalpok sa papatawid na truck.
Tinutugis naman ng pulisya ang hindi nakilalang driver ng truck, na tinakbuhan ang mga binatilyong naaksidente.
5 buwang sanggol, natabunan sa landslide sa Davao City
(Light A. Nolasco)
