MALALIM na rin ang pinagsamahan nina Ed Sheeran at Justin Bieber –sumulat pa nga ang British crooner ng mga kanta ni Bieber tulad ng Love Yourself – kaya normal lang na magkaroon sila ng kasiyahan at mag-enjoy sa labas ng studio.

Sa isang panayan ng The Guardian, ikinuwento ni Sheeran kung paano siya hinamon ng 23-anyos na pop star na paluin ang golf ball sa bibig nito isang gabing pareho silang lasing sa Japan.

“We’d been out to a dive bar. He just drank water and I got hammered,” kuwento ni Sheeran, 26. “Then we went to a golf course, and he lay on the floor and put a golf ball in his mouth and told me to hit it out of his mouth. I was like, ‘F—, I need to aim this properly,’ and I swung.”

Human-Interest

ALAMIN: Mga inisyatibo ng NCCA sa pagpapakilala ng kultura ng mga katutubo

Pero hindi naging maayos ang stunt nang subukan ito ni Sheeran.

“You know in films when someone gets punched, and you hear that fake sound, like a slap? But in real life when someone gets punched, you hear that dull thud, a bit sickening? I heard a sound like the last one,” ani Sheeran.

Ibinahagi rin ng Shape of You singer na gulat na gulat sa nangyari ang bodyguard ni Bieber.

“I’d cracked Justin Bieber right in the cheek with a golf club,” aniya. “That was one of those ‘What the f—?’ moments.”

Bagamat pinagtatawanan na lamang niya ang mga panahong nagpapakalasing siya, binabawasan na ngayon ng singer ang pag-inom ng alak.

Kamakailan, inamin ng mang-aawit na kailangan niyang baguhin ang kanyang diet nang madagdagan ang kanyang timbang dahil sa isang taong pamamahinga sa pagtatanghal. Umiwas na siya sa beer at nakatulong naman ito.

“I’ve lost like 50 lbs.,” aniya sa panayam sa kanya ng The Breakfast Club radio show. “That was it, it was the beer.”