Paulo at Maja, nanawagan ng suporta sa pelikula nila

By Balita Online

February 24, 2017

In FEATURES

MAGANDA ang resulta ng public appeal nina Paulo Avelino at Maja Salvador sa theater owners at sa publiko na suportahan at panoorin ang pelikula nilang I’m Drunk I Love You. Pati na kay Film Developmend Council of the Philippines (FDCP) Chairperson Liza Diño-Seguerra ay nanawagan si Paulo na tulungang mabigyan ng mas maraming sinehan ang pelikula.

Mula kasi sa original 60 theaters sa opening ng movie, naging 10 theaters na lang ang okupado ng I’m Drunk I Love sa second week.

Ang cute nga ng panawagan ni Maja dahil ginamit ang dialogue ni Liza Soberano sa Star Cinema movie na My Ex and Whys na, “Pangit ba ako? Kapalit-palit ba ako?” Pinalitan lang ni Maja ang ibang linya at ginawang “Pangit ba pelikula namin? Kapalit-palit ba kami ng foreign films? Hindi naman, di ba? Then whyyyyy?!?!?!”

Si Paulo naman, care of kay Chair Liza ang post na, “Mas malala na pala ‘yung nangyari sa mga pelikula at mga tao sa likod nito na nagbigay parangal sa bansa natin. Anong nangyari?@lizadino?”

Sumagot si Liza ng, “@mepauloavelino we are working relentlessly to find solutions. Mahirap ‘pag walang batas.

Gayunpaman, ginagawan namin ng paraan.”

At nagawan nga ng paraaan ng FDCP ang apelang suporta nina Paulo at Maja, dahil ito ang bagong post ni Liza:

“I’m Drunk, I Love You and the CINEMAS: From 10 cinemas yesterday, I’m Drunk, I Love You is now on 27 cinemas today and tomorrow (Friday and today, Saturday), 14 more cinemas will be screening the movie. As we speak, screens are increasing depending on gross box office receipts of the say.

Just got an update. Total of 66 screens by tomorrow!

Opening day ng bagong anim na pelikula kahapon, so talagang kailangan silang ipalabas. Natural na may mawawalan ng sinehan but at the end of the day, numbers speak, so balik ang IDILY sa sinehan.

Film Development Council of the Philippines was tagged yesterday regarding the pulling out of IDILY in cinemas.

Honestly, our agency does not have authority over theatres or producers. FDCP does not have regulatory powers to impose policies but we are RELENTLESSLY WORKING with cinemas and distributors to find solutions.

Siguro maganda kung ‘wag tayong masyadong nega agad. Maybe it’s also better to see the exhibitors as partners first instead of always vilifying them on social media. Tayo-tayo lang din naman ang nagkakatrabaho. Lahat naman nadadaan sa maayos na usapan.”

Ang kailangang gawin ngayon nina Paulo at Maja ay hikayatin ang kanilang fans at supporters na panoorin ang pelikula para hindi mabawasan ang 27 theaters at madagdagan pa. (NITZ MIRALLES)

19 lugar sa PH, makararanas ng ‘dangerous’ heat index sa Mayo 3

Inaasahang aabot sa “danger” level ang heat index sa 19 lugar sa bansa bukas ng Sabado, Mayo 3, ayon sa Philippine Atmospheric, Geophysical and Astronomical Services Administration (PAGASA).Sa tala ng PAGASA dakong 5:00 ng hapon nitong Biyernes, Mayo 2, inaasahang aabot sa danger level ang heat index sa mga sumusunod na lugar bukas:44°C - Baler, Aurora44°C - Iba, Zambales44°C - Sangley...

Rep. Pulong Duterte, kinasuhan ng 'physical injuries, grave threats'

Sinampahan ng criminal complaints si Davao City 1st District Rep. Paolo “Pulong” Duterte dahil umano sa pambubugbog at pananakot sa isang negosyante.Kinumpirma ito ni Prosecutor General Richard Anthony Fadullon nitong Biyernes, Mayo 2.Ani Fadullon, nasa Department of Justice (DOJ) Main na ang isinampang mga kaso ng physical injuries at grave threats laban kay Duterte.Magsasagawa raw ang DOJ ng...

PBBM, bukas sa pakikipag-dayalogo sa labor groups para sa umento sa sahod – Usec. Castro

Bukas si Pangulong Ferdinand “Bongbong” Marcos Jr. na makipag-dayalogo sa mga grupo ng mga manggagawa para sa panawagang umento sa sahod, ayon kay Presidential Communications Office (PCO) Undersecretary Claire Castro.Sa isang press briefing nitong Biyernes, Mayo 2, sinabi ni Castro na palagi raw handa ang pangulo upang pakinggan ang mga hinaing ng mga manggagawa.'Ang Pangulo po ay lagi...