Dagdag na P1K sa SSS pensioners, matatanggap na

By Balita Online

February 22, 2017

In BALITA

Maipamamahagi na sa wakas ng Social Security System (SSS) ang paunang P1,000 na dagdag sa pensiyon ng mga retirado.

Ito ang inihayag kahapon ni SSS Chairman Amado Valdez matapos niyang kumpirmahin na pormal nang inaprubahan ng Malacañang ang paunang dagdag-pensiyon.

Batay sa orihinal na plano, sisimulan sana ng Pebrero 15, 2017 ang pagbibigay sa inaprubahang kalahati ng panukalang P2,000 pension hike, ngunit naipagpaliban ito dahil sa kawalan ng go-signal ni Executive Secretary Salvador Medialdea.

Ngunit nilagdaan na kahapon (Pebrero 22) ang memorandum, base sa kautusan ni Medialdea, para sa P1,000 dagdag sa pensiyon, na retroactive simula Enero 2017.

“Upon representations made by SSS, and subject to existing laws, rules and regulations, please be informed that the P1,000 increase in benefits of qualified SSS retirees, survivors and permanently disabled pensioner effective January 2017 has been approved,” saad sa memorandum.

Kabilang sa mga makatatanggap ng dagdag-pensiyon ang mga retirado, mga naulila ng mga miyembro at ang mga permanently disabled. (ROMMEL TABBAD at BETH CAMIA)

72 PDL's ng Manila City Jail, naka-enrol sa PUP Open University

Sa makasaysayang pagkakatapon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...

VP Sara sa running mate na Marcos kung sakaling tatakbo: 'Never again!'

Tahasan at diretsahang sinabi ni Vice President Sara Duterte na hindi na siya papayag na magkaroon ng running mate na 'Marcos' kung sakaling magdesisyon siyang kumandidato sa pagkapangulo sa 2028.Iyan ang nasabi ng pangalawang pangulo sa ambush interview ng media sa kaniya, matapos ang pagdalo sa congress hearing nitong araw ng Miyerkules, Setyembre 18.Isang media reporter kasi ang...

Speaker Romualdez, tatakbong presidente sa 2028 sey ni VP Sara

ROMUALDEZ FOR PRESIDENT?Sinabi ni Vice President Sara Duterte na tatakbo umano bilang pangulo ng bansa sa 2028 si House Speaker Martin Romualdez. Sa isang ambush interview nitong Miyerkules, Setyembre 18, ayon kay Duterte, sinabi sa kaniya ng mga kaalyado niya sa House of Representatives na pinag-uusapan umano ang tungkol sa impeachment niya at pagkandidato ni Romualdez sa 2028.“Ang sinasabi sa...