Limang lalaki, kabilang ang mag-ama, na pawang kabilang sa barangay drug watch list ang magkakasunod na ibinulagta ng riding-in-tandem sa Barangay Malanday, Marikina City, nitong Huwebes ng gabi.
Sa ulat ni Police Senior Supt. Lorenzo Holanday, Jr., hepe ng Marikina City Police, nagsimula ang insidente mula 7:15 hanggang 7:30 ng gabi.
Lumilitaw na unang binaril at pinatay ng riding-in-tandem, dakong 7:15 ng gabi, si Gerald Taduan, 36, sa kanto ng Kabayani Road at Mississipi Street.
Pagsapit ng 7:20 ng gabi ay binaril naman ng mga ‘di pa nakikilalang suspek si Noel Dumate, 43, sa kanto ng Kabayani at Green St.
De Lima, pinasalamatan si PNoy sa ‘tunay na liderato, dalisay na paglilingkod’
Ganitong oras din pinatay ang mag-amang sina Regidor Dumasig, Sr., 49; at Regidor, Jr., 25, na pinagbabaril din sa kanto ng Kingfisher St. at Owl St.
Pagsapit ng 7:30 ng gabi ay itinumba naman sa Kabayani Road si Ernesto Ambos, 54. (Mary Ann Santiago)
