LEMERY, Batangas - Sugatan ang isang lalaki matapos umanong pagtulungang saksakin ng mga inawat niya sa pag-aaway sa Lemery, Batangas.
Nagtamo ng mga saksak sa dibdib si Nomeriano Magsino, 41, habang nakatakas naman ang mga suspek na sina Eugenio Rosal at Anthony Rosal, pawang taga-Barangay Ayao-Iyao, Lemery.
Ayon sa report ni SPO1 Omar Salanguit, dakong 10:20 ng gabi nitong Linggo at nagpapahinga si Magsino sa loob ng kanyang bahay nang marinig niya ang pag-aaway ng mga bisita, kabilang ang dalawang suspek, ng kanyang pinsan na noon ay nagdiriwang ng kaarawan.
Tinangka umanong umawat ng biktima, ngunit pinagtulungan siyang saksakin ng mga suspek. (Lyka Manalo)
Probinsya
