PAGKAKALOOBAN din ng parangal ang 41 indibidwal at sports entity sa gaganaping Philippine Sportswriters Association (PSA) Awards Night sa Lunes sa LE PAVILLON sa Pasay City.
Pangungunahan ni world boxing champion Jerwin Ancajas at Marlon Tapales ang mga natatanging atleta na tatanggap ng citation sa Gabi ng Parangal na itinataguyod ng San Miguel Corporation at MILO, sa pakikipagtulungan ng Cignal/Hype HD.
Makakasama ng dalawa sina Mixed Martial Arts’ star Michael Brandon Vera, Philippine Dragon Boat team, wushu bets Divine Wally at Arnel Mandal, at lady boxer Gretchen Abaniel.
Classic movie ‘Ipaglaban Mo!’, ipinalabas ng CCP bilang kampanya vs VAWC
Tatanggap din ng pagkilala sina Asian Beach Games gold medalists Annie Ramirez at Margarita Ochoa, taekwondo jin Pauline Lopez, Olympic boxers Rogen Ladon at Charly Suarez sa programa na suportado ng Smart, Rain or Shine, Phoenix Petroleum, Mighty Sports, Gold Toe, Globalport, Foton, at ICTSI.
Kabilang din sa tatangap ng parangal sina Ernest John Obiena, Chezka Centeno, Criztian Pitt Laurente, Ariana Thea Patrice Dormitorio, Sofia Chabon, Bernice Olivarez-Ilas, Joseph Myers, Orencio James delos Santos, Jacob Ang, Kenneth San Andres, Juvenile Faye Crisostomo, Patrick John Tierro, Monica Torres, August Benedicto, Ramon ‘Tats’ Suzara, Johnny Tan, National University Lady Bulldogs, National University Pep Squad, Pocari Sweat, RC Cola-Army, at Philippine fencing team.
Nakalinya rin ang Philippine sailing team, Philippine sepak takraw team, Philippine Canoe Kayak Federation, United Football League, Women’s Volleyball League, Pru Life, TV 5, at UNTV.
Tinanghal na PSA Athlete of the Year si Rio Olympic weightlifting silver medallist Hidilyn Diaz.
Tatanggapin naman ni Asia first Grandmaster Eugene Torre ang Lifetime Achievement Award sa gala night na itinataguyod din ng PBA, SM Prime Holdings Inc., Philippine Sports Commission, ACCEL, MVP Sports Foundation, PCSO, Meralco, NLEX, at Federal Land.
Napili namang Executive of the Year si Philippine Athletics Track and Field Association president Philip Ella Juico, habang 16 pang iba, sa pangunguna ni Paralympic bronze medalist Josephine Medina ang tatangap ng major award.
Sina June Mar Fajardo ang Mr. Basketball, Mika Reyes bilang Ms. Volleyball, Miguel Tabuena bilang Mr. Golf, habang sina Misagh Bahadoran at Jeordan Dominguez ang Mr. Football at Mr. Taekwondo, ayon sa pagkakasunod.
