Pansamantalang titigil sa pagpadyak ang isang pedicab driver matapos tamaan ng ligaw na bala sa Tondo, Maynila, kamakalawa ng gabi.
Ginagamot sa Gat Andres Bonifacio Memorial Medical Center si Alvin Lacaba, 42, ng 445 Carlos P. Garcia Street, Tondo, dahil sa tama ng bala sa kanyang hita.
Sa imbestigasyon ni PO2 Christian Khalid Ang, imbestigador ng Manila Police District (MPD)- Station 1, dakong 9:50 ng gabi nang maganap ang insidente sa Carlos P. Garcia St., malapit sa bahay ng biktima.
Nakatayo lamang umano si Lacaba nang maramdaman ang pananakit ng hita. (Mary Ann Santiago)
