BABALA sa lahat ng mga troll sa Twitter: Huwag ninyong susubukan si Kal Penn.
Nang lagdaan nitong nakaraang weekend ni US President Donald Trump ang executive order na nagbabawal sa mga immigrant mula sa pitong Muslim-majority country, nag-tweet ang isang troll sa Indian-American Designated Survivor actor at sinabing, “you don’t belong here you f___ing joke,” ayon sa Entertainment Weekly.
Sinagot ito ni Penn, na nagtrabaho sa Office of Public Engagement sa Obama White House, ng: “To the dude who said I don’t belong in America, I started a fundraising page for Syrian Refugees in your name.”
26-anyos na nabaon sa ₱2M na utang, nilalayuan na raw; netizens, relate-much
Umabot na sa mahigit $300,000 ang CrowdRise donation page noong Linggo ng hapon, na mapupunta ang lahat ng malilikom sa International Rescue Committee.
“We are better than the hateful people who tell us we don’t belong in our own country, that America can’t be a beacon of freedom and hope for refugees from around the world,” saad ng pahayag sa page. “We will turn their bigotry, along with the President’s, into love.”
Nagsalita si Penn nang lagdaan ni Trump ang order noong Sabado, sa pamamagitan ng kanyang tweet na, “Our president just did the very mean-spirited, un-American thing of not welcoming refugees to our incredible country for at least 120 days.” (Yahoo Celebrity)
