LAPU-LAPU CITY, Cebu – Arestado ng mga tauhan ng Philippine Drug Enforcement Agency (PDEA)-Region 7 ang misis ng isang big-time drug lord na napatay noong 2005, makaraang masamsaman ng aabot sa P6 milyon halaga ng shabu.
Sinabi ni PDEA-7 Director Filemon Ruiz na dinakip nila si Janice Nodalo sa buy-bust operation sa Lapu-Lapu City nitong Biyernes ng gabi.
Nakumpiska kay Nodalo ang nasa isang kilo ng hinihinalang shabu.
Si Janice ay asawa ng sinasabing big-time drug lord at robbery gang leader na si Joel Nodalo, na pinatay ng nag-iisang suspek sa loob ng sabungan sa Buenavista, Bohol noong Hunyo 23, 2005. (Mars W. Mosqueda, Jr.)
Probinsya
