Ipinag-utos kahapon ni Philippine National Police (PNP) chief Police Director General Ronald M Dela Rosa, na sundin ng lahat ng sangay ng pulisya ang Standard Operating Procedures (SOP) sa paghawak sa mga durugista na boluntaryong sumuko upang makapagbagong-buhay.
Sa PNP SOP Number 01-2016, nakasaad ang pangkalahatang patnubay sa lahat ng Duty Officers sa paghawak sa kaso ng mga drug surrenderer. (Fer Taboy)
