MAGANDANG balita para sa mahihilig na maaanghang na pagkain! Napag-alaman sa bagong pag-aaral na nakatutulong na makapagpahaba ng buhay ang pagkain ng sili.
Natuklasan sa pag-aaral sa mahigit 16,000 katao sa United States na ang mga taong kumakain ng sili ay mas mababang panganib sa kamatayan sa iba’t ibang sanhi kumpara sa mga taong hindi kumain ng maaanghang na pagkain.
Iniulat kamakailan ng authors na sina Mustafa Chopan at Benjamin Littenberg ng University of Vermont College of Medicine, ang kanilang findings sa journal na PLOS.
Ang sili ay bunga ng Capsicum plant, na kabilang sa nightshade family. Maraming uri ang sili, at may iba’t ibang lebel ng anghang.
Orange warning, itinaas sa Metro Manila, mga kalapit na lugar
Ang lasang maanghang ng sili, tulad ng jalapeños, ay galing sa capsaicin. Iminumungkahi ng mga pag-aaral na may benepisyo ito sa kalusugan.
Tulad na lamang ng pag-aaral na iniulat kamakailan ng Medical News Today, matuklasan nila na may potensiyal ang capsaicin na mapatigil ang breast cancer, at iniuugnay naman ng isa pang pag-aaral ang compound sa pagbaba ng panganib sa colorectal cancer.
Ayon kay Chopan at Littenberg, isang pag-aaral lamang, na inilathala sa The BMJ noong 2015 - ang nag-imbestiga kung paano nakaaapekto ang pagkain ng maaanghang na pagkain tulad ng sili sa death risk. Natuklasan nito na may kaugnayan ang regular na pagkonsumo ng naturang pagkain at ang mas mababang panganib ng kamatayan sa anumang sanhi.
Sinuportahan ito ng bagong pag-aaral nang malaman na ang mga taong kumakain ng sili ay maaaring mas humaba ang buhay.
Nalaman nina Chopan at Littenberg ang resulta nang kanilang suriin ang datos mula sa 16,179 matatanda mula sa edad 18 pataas na nakibahagi sa National Health and Nutritional Examination Survey III sa simula 1988 hanggang 1994.
Sa naturang survey, sinuri ang siling nakonsumo ng mga kalahok sa nakaraang buwan gamit ang food frequency questionnaire.
“Activation of TRP vanilloid type 1 (TRPV1) appears to stimulate cellular mechanisms against obesity, by altering mediators of lipid catabolism and thermogenesis,” paliwanag ng mga researcher. “Protection against obesity leads to decreased risk of cardiovascular, metabolic, and lung diseases.”
“Capsaicin may also defend against heart disease via a TRP-mediated modulation of coronary blood flow,” dagdag nila.
Ang konklusyon ng mga researcher: “Given the observational nature of both investigations, causality can only be suggested, not confirmed. Further studies should aim to investigate the benefits of other spices and differential effects of certain chili pepper subtypes. Such evidence may lead to new insights into the relationships between diet and health, updated dietary recommendations, and the development of new therapies.” (Medical News Today)
